Kişi arvadını və oğlunu vəhşicəsinə döydü

Sankt-Peterburq sakini arvadını və övladlığa götürdüyü oğlunu evin girəcəyində vəhşicəsinə döyüb.

Bu barədə "Gazeta.ru" məlumat yayıb.

Hadisə Murinonun Vorontsovski bulvarındakı evdə baş verib.

Qonşuların dediyinə görə, polis onların çağırışına gəlməyib.

Hadisədən sonra evin sakinləri bütün döşəmənin qan içində olduğu görüntülər yayıblar.

Mənbənin bildirdiyinə görə, qalmaqallı şəxs münaqişənin səbəbinin ailədəki münasibətlərin növbəti dəfə aydınlaşdırılması olduğunu bildirib.

Daha əvvəl məlum olub ki, Novıy Urqalda kişi sevgilisinə qısqanclıq zəminində dostunu öldürməkdə şübhəli bilinir. (lent.az)