Lənkəranda itkin düşən məktəbli qız tapılıb

Ötən gün günorta saatlarında Lənkəranda itkin düşən 11-ci sinif sagirdi Şahnaz Hüseynova tapılaraq ailəsinə təhvil verilib.

Bu barədə APA -nın  Daxili İşlər Nazirliyinin mətbuat xidmətinin Lənkəran regional qrupuna ünvanladığı sorğuya cavab olaraq bildirilib.

DİN-in Mətbuat Xidmətinin Lənkəran regional qrupunun baş inspektoru Məhəmməd Rzayev bildirib ki, məktəblinin itkin düşməsi ilə bağlı ötən gün axşam saatlarında polisə müraciət daxil olub. Məktəblinin tapılması istiqamətində bütün zəruri tədbirlər həyata keçirilib və bu gün günorta saatlarında tapılaraq ailəsinə təhvil verilib.