Masallıda ev yandı, 80 yaşlı kişi... - YENİLƏNİB - FOTO

Masallının Xırmandalı kəndində yanğın zamanı ev sahibi, 80 yaşlı Cəfərov Fazil Alışan oğlu müxtəlif dərəcəli yanıq xəsarətləri alıb. 

Zərərçəkən boyun nahiyəsi, kürək və əllərin yanıq  xəsarətləri ilə təcili tibbi yardım avtomobili ile Masallı Rayon Mərkəzi Xəstəxanasına aparılıb. Ilkin məlumata görə, yanğına odun sobasının alışması səbəb olub. 

Qeyd edək ki, Fazil Cəfərov evdə tək yaşayır. (lent.az)

***

Masallı rayonunun Xırmandalı kəndində ümumi sahəsi 120 m² olan kürsülü, birmərtəbəli 5 otaqlı evin (arakəsmə divarları taxta konstruksiyalardan ibarət) 1 otağının və dam örtüyünün yanar konstruksiyaları 50 m² sahədə yanıb.

Avtosfer.az-ın FHN-in saytına istinadən xəbər verir ki, yanğın zamanı 1 nəfər yanıq xəsarəti alıb.

Evin qalan hissəsi yanğından mühafizə olunub.Yanğın yanğından mühafizə bölmələri tərəfindən söndürülüb.