Bu gün "Bakı Metropoliteni" QSC-nin "İçərişəhər" stansiyasında texniki nasazlıq səbəbilə qatar sərnişinsiz "Nərimanov" elektrik deposuna yola salınıb.

Avtosfer.az xəbər verir ki, bu barədə səhmdar cəmiyyəti məlumat yayıb.

Məlumata görə, xəttə dərhal ehtiyat qatar verilib. Qrafik üzrə intervaldan əlavə 8 dəqiqə yubanma yaranıb.

***

Metronun "İçərişəhər" stansiyasında texniki nasazlıq səbəbindən qatar 15 dəqiqə hərəkət edə bilməyib.

Hadisə yerində olan şahidlər Avtosfer.az-a bildirib ki, qatarda texniki nasazlıq səbəbindən yaranan problemin aradan qaldırılması üçün tədbirlər görülüb. Qatar depoya göndərilib. Sərnişinlər başqa qatarla yola salınıb.

Sıxlıq səbəbindən metro stansiyasına giriş müvəqqəti dayandırılıb.