Mingəçevirdə yol üstündə dava - Sürücünü baltaladı - YENİLƏNİB
Hadisə 10 Yanvar 2023 09:54 Oxunub 460
Mingəçevirdə yol üstündə dava - Sürücünü baltaladı   - YENİLƏNİB

Daxili İşlər Nazirliyi Mingəçevirdəki baltalanma hadisəsinə münasibət bildirib.

Nazirliyin mətbuat xidmətinin Şəki regional qrupunun baş inspektoru, polis kapitanı Mahir Məsimov Avtosfer.az-a bildirib ki, dünən saat 16 radələrində Mingəçevir şəhər sakini 52 yaşlı Faiq Məmmədovun balta ilə 28 yaşlı Elvin Paşayevin baş nahiyəsinə xəsarət yetirməsi ilə bağlı şəhər polis şöbəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə cinayət işi başlanılıb:

"Faiq Məmmədov isə şübhəli şəxs qismində saxlanılıb və hazırda zəruri istintaq hərəkətləri davam etdirilir".

***

Mingəçevirdə yol vermək üstündə sürücülər arasında dava olub.

Avtosfer.az xəbər verir ki, hadisə Mingəçevir şəhəri, Heydər Əliyev prospekti "Köhnə Toxuculuq kombinatı" adlanan yerin qarşısında baş verib.

Belə ki, "Xəzər" markalı avtomobili idarə edən 1971-ci il təvəllüdlü Məmmədov Faiq Şikar oğlu yol vermək üstündə aralarında yaranmış mübahisə zamanı "Mercedes-Benz" markalı avtomobili idarə edən 1995-ci il təvəllüdlü Paşayev Elvin Camaləddin oğluna baş nahiyəsindən qəsdən balta ilə vurub "açıq kəllə beyin travması və kəllə qapağı sümüyünün açıq sınığı" xəsarətini yetirib.

Faktla bağlı Mingəçevir Şəhər Polis Şöbəsində cinayət işi başlanılıb.

ŞƏRH YAZ
Ad

E-mail

Şərh