Motosikletə quraşdırılmış partlayıcı partladı: 2 ölü, 10 yaralı

Pakistanın Bəlucistan əyalətində bazarda baş verən partlayış nəticəsində 2 nəfər ölüb, 10 nəfər yaralanıb. Avtosfer.az “Sinxua” agentliyinə istinadən xəbər verir ki, hadisə əyalətin Kuzdar rayonunda olub.

Məlumata görə, partlayış motosikletə quraşdırılmış partlayıcı qurğunun işə düşməsi nəticəsində baş verib.

Bildirilir ki, yaralılar arasında iki polis əməkdaşı da var.

Hələlik hücuma görə, heç bir qruplaşma məsuliyyəti üzərinə götürməyib.

Namiq Musayev