Naviqatora güvənən qadın avtomobilini suya saldı

ABŞ-dan olan motorist xanım naviqatorun göstərişlərinə əməl edərək avtomobilini limanın sularına qərq edib.
Avtosfer.az xəbər verir ki, Amerikanın Havay adalarının Kailua-Kona şəhərində turist naviqatorun göstərişlərinə əməl edərək avtomobilini ehtiyatsızlıqdan suya salıb. Baş vermiş hadisəylə bağlı “Hawaii News Now” məlumat yayıb.
Belə ki, qadın GPS naviqatorunun göstərişlərinə arxalanaraq avtomobilini səhvən Honokohau limanının suları istiqamətində sürüb. Nəticədə suya düşən maşın bir göz qırpımında batıb. Hadisənin maraqlı tərəfi isə sürücünün özünü itirmədən batmaq üzrə olan avtomobildən çıxması olub. Hadisə şahidlərinin məlumatına görə hətta, cəsur xanım sürücü batan avtomobili tərk etməzdən əvvəl maşında olan əşyalarını da toplayıb. Sürücünün bu davranışı insanlar tərəfindən yüksək qiymətləndirilib. 

Nərmin