Naxçıvandan olan sabiq məmur məhkəmədə öldü

Bakı Ağır Cinayətlər Məhkəməsində təqsirləndirilən şəxs məhkəmə zalında vəfat edib.

Bu barədə APA-ya vəkil Adəm Məmmədov xəbər verib.

Cinayət Məcəlləsinin dələduzluq - külli miqdarda ziyan vurmaqla törədildikdə maddəsi ilə təqsirləndirilən 1960-cı il təvəllüdlü Şamil Qədimovun ürək tutmasından keçindiyi bildirilib.

Məlumata görə, hakim Cavid Hüseynovun sədrliyi ilə keçirilən prosesdə onun qəflətən halı pisləşib. Şamil Qədimov həbsdə deyilmiş.

Şamil Qədimov Naxçıvan Muxtar Respublikası Ədliyyə Nazirliyinin sabiq əməkdaşı olub.