Oğlunu Türkiyədən Bakıdakı universitetə köçürmək istəyən ananın başına OYUN GƏLDİ

Türkiyədə təhsil alan oğlunu Bakıdakı ali təhsil ocaqlarından birində oxutdurmaq istəyən qadın dələduzluqla üzləşib.

Paytaxt sakini E. Məmmədova Türkiyədə təhsil alan oğlunun Bədən Tərbiyəsi və İdman Akademiyasında təhsil almasını istəyib. Bu zaman özünü tədris məsələləri üzrə səlahiyyətli şəxs kimi təqdim edən M. Niftaliyeva ona kömək edəcəyini bildirib. Bu vədlə qadından 7500 manat pul alıb.

Ancaq o, vədinə xilaf çıxıb. Aldadıldığını görən zərərçəkmiş E. Məmmədova hüquq-mühafizə orqanlarına üz tutub. Nəticədə M .Niftalıyeva saxlanılaraq, istintaqa təhvil verilib.M. Niftalıyev barəsində Cinayət Məcəlləsinin 178.2.4-cü (dələduzluq xeyli miqdarda törədildikdə) maddəsilə cinayət işi başlanıb.

Cinayət işinin məhkəmə istintaqı davam edir.

(lent.az)