Anlıq idarə itirməylə avtomobil öncə yolda fırlandı, sonra böyrü üstə dayandı.

Avtosfer.az xəbər verir ki, film kimi olay Amerikanın Missuri ştatında baş verib. Kameraya düşən görüntüdən aydın olduğu kimi polis təqibindən qaçan sürücü yüksək sürətlə yolu dönməyə çalışarkən avtomobilin idarəsini buraxır. Nəticədə yol boyunca 360 dərəcə durmadan fırlanan maşın kənara çıxaraq dayanır. Tamamilə yarasız hala düşən avtomobili izləyən polislər hadisə yerinə çatsalar da, sürücü və yanındakı şəxs çilik-çilik olmuş ön şüşəni deşərək hadisə yerindən qaçmağa cəhd edirlər. Yüngül xəsarətlər alan qəza səbəbkarları çox məsafə qət edə bilmədən polisə yaxalanırlar. 
Faktla bağlı araşdırma zamanı sürücü və yanındakı köməkçisinin oğru olduğu və uzun müddət axtarıldığı müəyyənləşib. Həmçinin qəza törətdikləri avtomobilin də onlara məxsus olmadığı qeydə alınıb.

Nərmin Əkbər