Oğuzda meşə ərazisində yanğın olub

Oğuz rayonu, Xaçmaz kəndi yaxınlığındakı meşə sahəsində yanğın hadisəsi olub.

Ekologiya və Təbii Sərvətlər Nazirliyinin mətbuat katibi İradə İbrahimova Avtosfer.az-a bildirib ki, nazirliyin yerli qurumları, Fövqəladə Hallar Nazirliyinin Dövlət Yanğından Mühafizə Xidmətinin əməkdaşları və kənd sakinləri tərəfindən yanğın söndürülüb. Yanğın nəticəsində təxminən 1,5 hektar ərazidə quru ot örtüyü yanıb.