Ölən qadının maşınını oğurlayıb satan polis tutuldu

Moskvada polis əməkdaşı və onun tanışı mərhum qadının avtomobilini oğurlamağa cəhd ediblər.

Qadının ölümü ilə bağlı çağırışa gələn hüquq-mühafizə orqanının əməkdaşı onun yaşadığı mənzildən “Mitsubishi ASX” markalı avtomobilin açarlarını götürərək oğurluq etmək üçün dostuna verib.

Daha sonra polisin dostu maşını dayanacaqdan çıxarıb və alıcı axtarmağa başlayıblar. Lakin avtomobilin oğurlanmasının üstü açılıb və onu satmaq cəhdinin üstü açılıb.

İşin istintaqı nəticəsində oğrular aşkalanıb.

Rusiya Daxili İşlər Nazirliyinin Moskva üzrə Baş İdarəsi bildirib ki, işçinin təqsiri təsdiq olunarsa, o, daxili işlər orqanlarından neqativ əsaslarla işdən çıxarılacaq və qanunvericiliyə uyğun olaraq cəzalandırılacaq. Polis əməkdaşını 10 ilə qədər həbs cəzası gözləyir. (lent.az)