Piyadanı vuran sürücü məhkəmə zalından həbs edildi

Gəncə Apellyasiya Məhkəməsində Samuxda yol qəzası törətməkdə təqsirləndirilən İbrahim Kərimovun barəsindəki hökmdən verilən apellyasiya şikayəti üzrə məhkəmə iclası başa çatıb.

Avtosfer.az pravda.az-a istinadən xəbər verir ki, hakim Faiq Mahmudovun sədrliyi ilə keçiriləcək prosesdə qərar elan olunub.

Qərara əsasən, şikayət təmin edilməyib.

İttihama görə, hadisə 22 noyabr 2023-cü il tarixdə, saat 07 radələrində Samux rayonu, Sərkar kəndi ərazisində “20 Yanvar” abidəsinin qarşısında qeydə alınıb.

Belə ki, İbrahim Kərimov idarə etdiyi “Mercedes Benz C180” markalı avtomobillə hərəkətdə olan zaman yolun ehtiyat hissəsində piyada hərəkət edən Arzu Qarayevi vurub. Nəticədə piyada aldığı bədən xəsarətləri nəticəsində ölüb.

Samux Rayon Məhkəməsinin hökmü ilə o, 5 il müddətinə azadlıqdan məhrum edilib və məhkəmə iclas zalından həbsə alınıb.