“Prius”a qəzəblənən avtobus: “Bakıda narkoman qalmayıb, hamısı taksi sürücüsüdür” - VİDEO

Yolun ortasında saxlayan “Prius” sürücüsü avtobusun qəzəbindən yan ötmədi.
Avtosfer.az xəbər verir ki, xoşagəlməz hadisə Yasamal rayonunun İnşaatçılar prospektində baş verib. Sərnişinin çəkdiyi görüntülərdən də aydın olduğu kimi sürücülər arasında mübahisə yaranıb. Belə ki, “Toyota Prius” markalı, 77-EU-971 dövlət nömrə nişanlı avtomobilin sürücüsünün yolun ortasında dayanması 14 nömrəli “BakuBus” idarəçisinin qəzəbinə səbəb olub. İşıqforda gözləyən avtobus sürücüsü qapını açaraq “Prius”la söz savaşına girib. O, “Prius” sürücüsündən etdiyi hərəkətin düzgün olmadığını bildirdiyi zamansa “İşim var, yol da mənim idi. Sən niyə siqnal verirsən?” cavabını alıb. Daha çox qəzəblənən avtobus sürücüsü “Bakıda narkoman qalmayıb, hamısı taksi sürücüsü olub” deyərək yoluna davam edib. 

Nərmin