Bakıda meyvə alıb pulunu vermədən qaçan sürücü kameraya düşdü - VİDEO

Sosial şəbəkələrdə müzakirə obyektinə çevrilən hadisə maşınından yardım alaraq dələduzluq edən şəxsi işıqlandırıb. Avtosfer.az xəbər verir ki, hadisə paytaxtın Yasamal rayonu ərazisində baş verib. Kameralara düşən görüntüdən də bəlli olduğu kimi 50-EC-840 opel astra markalı avtomobil meyvə almaq məqsədilə dükana yaxınlaşır və satıcıya maşınını yolun digər tərəfində saxlayaraq qayıdacağını qeyd edir. Avtomobilini park etdikdən sonra meyvə-tərəvəz dükanına yaxınlaşaraq istədiyini alıb, pulunu ödəyir.

Daha sonra cibindən 10 azn çıxararaq satıcıdan pulu xırdalamasını xahiş edir. Pulun qarşılığında iki ədəd 5 manat alan dələduz əlini cibinə ataraq pul kisəsini maşında unutduğunu bildirir. Pulu götürmək adıyla maşınına üz tutduğu zaman satıcı ondan şübhələnməyə başlayır, amma artıq gec olur. Avtomobilinə əyləşən “qəhrəman” yüksək sürət həddi ilə ərazidən uzaqlaşır.

Təəssüf hissi ilə qeyd edirik ki, bu tipli fırıldaqların sayı artmaqdadır. Paylaşmaqda məqsədimiz sizin də belə hadisələrlə qarşılaşmamağınız üçün diqqətli davranaraq tədbiri əldən verməməyinizdir.

Nərmin Əkbər