Qayçı ilə arvadının barmaqlarını kəsdi: arağın puluna görə...

Rusiyanın Primorski vilayətində kişi arvadının barmaqlarını kəsib.

Buna səbəb isə qadının ərinə spirtli içki (araq) almaq əvəzinə kommunal xərcləri ödəməsi olub.

Hadisə Çerniqovka kəndində baş verib. Əvvəllər məhkum olunmuş 51 yaşlı kişi 32 yaşlı arvadına ona spirtli içki alması üçün pul verib. Qadın da həmin pulu kommunal xərclərinə ödəyib. Bundan qəzəblənən kişi balta və qayçı ilə arvadının barmaqlarını kəsib. Hadisə yerinə təcili tibbi yardım briqadası və onların məlumatı əsasında polislər gəlib.

Polis bölməsində kişi törətdiyi cinayəti etiraf edib. Onun barəsində Rusiya Federasiyası Cinayət Məcəlləsinin 111-ci maddəsi (“Sağlamlığa ağır zərər vurma”) ilə cinayət işi başlanıb. O, nəzarətə götürülüb. (lent.az)