Quba yolunda qəza: Yola dağılan almalar sürücülərin gözündən qaçmadı - VİDEO

İdarəetməni itirən sürücü yüklə dolu nəqliyyat vasitəsini yol ortasındakı betona çırpıb.
Avtosfer.az xəbər verir ki, sosial şəbəkələrdə müzakirə obyektinə çevrilən yol-nəqliyyat hadisəsi 31 may tarixində, Quba yolunda baş verib. Həvəskar sürücünün lentə aldığı görüntüdən də məlum olduğu kimi yaranan qəza yük maşınının daşıdığı almaların yol kənarına dağılmasına səbəb olub. Hadisə şahidlərinin məlumatına əsasən, qəzanın baş verməsinə səbəb “Mercedes Atego” markalı nəqliyyat vasitəsinin təkərinin partlaması nəticəsində idarəetməni itirərək yolun ortasındakı betona dəyməsi olub. Bu zaman yoldan çıxan yük maşını daşıdığı yeşiklərlə dolu almaları yol kənarına dağıdıb. Hadisənin maraqlı məqamı isə yoldan keçən sürücülərin qəzadan faydalanması olub. Onlar yerlə bir olan almaları seçərək avtomobillərinə daşıyıblar. 

Nərmin