Quldurlar iki kisə qızıl oğurladılar

Zabaykalda üç quldur “Tabornıy” mədənindən qiymətli metal daşıyan kuryer xidməti avtomobilindən 2 805 180 dollar dəyərində iki kisə qızıl oğurlayıb.

Avtomobildə olan naməlum şəxslər “Ural” markalı yük maşınını mədəndən çıxanda izləyib və o, Novaya Çara kəndindəki poçt şöbəsində dayanan zaman avtomobilin kilidini açıb və oradan 60 kiloqram qızıl oğurlayıblar. Qızılın itdiyini görən sürücülər polisə müraciət ediblər.

Məlumata görə, 38 və 39 yaşlı şübhəlilər Tında şəhərində tapılıb, lakin onların yanında qızıl kisələri olmayıb. (lent.az)