Sərgidən 1 MİLYON AVRO dəyərində zinət əşyaları oğurlanıb

İtaliyanın Qardone Rivyera qəsəbəsində, Qarda gölünün yaxınlığında keçirilən sərgi zamanı oğurluq baş verib.

Hadisə gölün sahilində yerləşən "Vittoriale deqli italiani" malikanəsində meydana gəlib.

Məşhur heykəltaraş Umberto Mastroyanninin 1950-1990-cı illərdə hazırladığı 30 ədəd qızıl zinət əşyası (üzüklər, bilərziklər, sancaqlar, broşlar) və 20 heykəlcik malikanədə sərgidən yoxa çıxıb.

(İtaliyalı abstrakt heykəltaraş, həmçinin tanınmış aktyor Marçello Mastroyanninin əmisi Umberto Mastroyanni (1910-1998)

Məlumata görə, oğurluq faktı ötən ilin dekabrda açılan sərginin dünən bağlanış mərasimindən qabaq üzə çıxıb. Malikanənin meneceri Cordano Bruno Qerri faktı təsdiqləyib.

İtaliya polisi hadisə ilə bağlı araşdırma aparır. (AzVision.az)