Sərnişin dolu avtobusda sürücülər söz savaşına girdi - VİDEO

Telefonla danışan sürücü aqressiyasına təslim oldu, sərnişinləri təyziqli çıxışı ilə narahat etdi.
Avtosfer.az xəbər verir ki, sərnişin tərəfindən çəkilən hadisə 28 may yaxınlığında - Azadlıq prospektində, BakuBus-a məxsus olan 2 nömrəli avtobusda qeydə alınıb. Videoda əksini tapan görüntülərdən aydın olduğu kimi sükan arxasında əyləşən sürücü telefonda həmkarı ilə hərarətlə danışıb. Diqqətlə qulaq asmağa ehtiyac yoxdur, çünki sürücünün rahatlığı yüksək səslə danışmasından hiss olunur. Digər sürücünün danışığı zamanı telefonunu mikrofona qoyaraq ünsiyyət quran avtobus idarəçisi hərarətli çıxışı ilə sərnişinləri narahat edib. Sürücülər arasında yaranan söz davasına səbəb isə avtobusların ənənəvi probleminə çevrilən interval məsələsi olub. Həmçinin sərnişinin sözlərinə görə sürücü davadan sonra başqa şəxslərlə əlaqə quraraq rahatlığını stabil şəkildə davam etdirməklə şəxsi məsələlərindən də danışıb. Hətta telefonda görüntülü zənglə danışan sürücü arxaya çönərək sərnişinləri qarşı tərəfə şəxsə göstərib. Sərnişinləri lüzumsuz dialoqları ilə narahat edən sürücünün nəzərinə çatdıraq ki, sükan arxasında əyləşdiyi zaman telefonu bir kənara qoyub, işini lazımi şəkildə icra etməlidir. 

Nərmin Əkbər