Sərxoş halda 102-yə zəng edib qiymətdən danışdı, həbs olundu

Sərxoş halda Daxili İşlər Nazirliyinin 102 xidməti-zəng mərkəzinə zəng edərək nalayiq ifadələr işlədən şəxs inzibati qaydada məsuliyyətə cəlb olunub.

Avtosfer.az-ın "Teleqraf"a istinadən məlumatına görə, 1986-cı təvəllüdlü Ç.V 102-yə zəng edərək atasının vaxtilə vəzifədə olmuş şəxs tərəfindən qətlə yetirildiyini, 100 min manat pulunun mənimsənildiyinə dair əssasız şikayətlər edib.

O, bundan başqa, digər rayonlarada narkotikin 10 manata olduğunu, Füzulidə isə 7 manata satıldığına dair əsassız məlumatlar verib.

Ç.V məhkəmədə özünü təqsirli bildirərək əməli sərxoş vəziyyətdə törətdiyini etiraf edib. O, spirtli içkinin təsiri altında törətdiyi əməldən peşman olduğunu dilə gətirib.

Məhkəmənin qərarına əsasən, barəsində protokol (İXM-in 510.1 ) tərtib edilmiş şəxs 8 sutka müddətinə inzibati qaydada həbs olunub.