Sürücü “BakuBus”u zibilləyən sərnişinləri çəkib paylaşdı - VİDEO

Avtobusu zibilləyən sərnişinlərin videosu sosial şəbəkədə qınaq obyektinə çevrilib.

Avtosfer.az xəbər verir ki, xoşagəlməz görüntü “BakuBus” MMC-yə məxsus M8 marşrut xətti ilə hərəkət edən avtobusda qeydə alınıb. Belə ki, sürücü sərnişinlərin törətdiyi əməli videoya çəkib. Görüntüdən aydın olduğu kimi, ictimai nəqliyyat vasitəsinin ön oturacağında əyləşən sərnişinlər tumu çırtlayaraq qabıqlarını yerə atıb. Digər sərnişin isə yediyi qidanın qalıqlarını salfetlə birlikdə avtobusa tullayıb.

Təəssüflə qeyd edək ki, bəzi sürücülərlə yanaşı sərnişinlər arasında da təmizliyə riayət etməyənlər var. Qanunvericilikdə küçələri, ictimai nəqliyyat vasitələrini zibilləməyə görə müəyyən cərimələr nəzərdə tutulur. 

Nərmin