Sürücü piyada keçidindəki polisləri vurdu - VİDEO

Piyada keçidini və yol işarələrini görməzdən gələn sürücü qəza səbəbkarı oldu.
Avtosfer.az xəbər verir ki, sosial şəbəkələrdə maraqla qarşılanan hadisə Rusiyanın əyalətlərindən birində baş verib. Sürücü kamerasına düşən videodan aydın olduğu kimi yolu keçən polis əməkdaşlar sürücünün hədəfindən yayınmayıb. Belə ki, piyada keçidinin olduğunu göstərən zebrayla yanaşı yolun sağ və sol tərəflərində quraşdırılan işarələrə məhəl qoymayan sürücü yolu keçən piyadaları görə-görə vurub. Xoşbəxtlikdən sürət həddinin aşağı olması onların qəzadan xəsarətsiz çıxması ilə nəticələnib. Videoda diqqət çəkən önəmli məqamlardan biri isə eyni anda əks istiqamətdə hərəkət edən avtomobilin qayda pozan sürücüdən fərqli olaraq saxlaması olub.

Nərmin Əkbər