Sürücü və obyekt sahibi əlbir olub insanları təhlükə ilə baş-başa qoydular - VİDEO

Bakı şəhəri Faiq Yusifov küçəsində “Toyota RAV-4” markalı avtomobilin sürücüsü, maşını səkiyə park edərək “qeybə çəkilib”.

Oxucumuzun Avtosfer.az-a göndərdiyi görüntüdən də məlum olur ki, 90-TY-012 dövlət nömrə nişanlı avtomobilin sahibi səkidən insanların keçməsinin tam əleyhinədir. Hələ yolun bir tərəfi də hansısa obyekt sahibi tərəfindən mənimsənilib. Yəni belə çıxır ki, sürücü və obyekt sahibi əlbir olub insanların həyatını təhlükə ilə baş-başa qoymağa qərarlıdırlar. Videoda diqqətimizi çəkən ən əsas məsələ isə az yaşlı körpənin özüdə istəmədən bu yoldan istifadə edərək həyatının risk altına düşməsidir.

Qeyd edək ki, əziz sürücülər səkilər sizin üçün yox piyadalar üçün nəzərdə tutulub. Bunu dərk etmək çətindirsə gün ərzində bir-iki saat piyada gəzərək belə hallarla qarşılaşan insanlara necə çətin olduğunu görə bilərsiniz.

Nurlan Sakitoğlu