Tanış simalar yenidən gündəmdə - Narkotik testləri pozitiv çıxdı

Türkiyədə aparılan narkotiklə bağlı araşdırmalar çərçivəsində bir qrup tanınmış şəxslə bağlı diqqətçəkən nəticələr açıqlanıb. İstintaq zamanı götürülən nümunələrin yoxlanılması bir çox şübhəni təsdiqləyib. Avtosfer.az "Yeni Sabah"a istinadən xəbər verir ki, məlumata görə, prokurorluğun nəzarəti altında 20 nəfərdən alınan qan və saç analizləri məhkəmə-tibbi laboratoriyasında araşdırılıb. Yekun rəydə həmin şəxslərdən 15-nin testlərinin müsbət nəticə verdiyi, digərlərinin isə hər hansı maddə istifadəsi ilə əlaqəsinin müəyyən olunmadığı qeyd edilib.

Araşdırma zamanı iş adamları və sosial mediada tanınan şəxslər də daxil olmaqla bir sıra adların analizlərində kokain maddəsinin izlərinə rast gəlinib. Həmin şəxslər arasında Mahmut Uğur Ziylan, Melisa Şahin, Melisa Fidan Çalışkan, Erdi Çetin, Uğur Can Peker, Yağmur Uçkun, Atilla Aydın, Nuran Çokçalışkan, Burak Kaptan, Müzeyyen Karakan, Murat Can Şirin, Ozan Kılıç, Esra Yoldaş Balcı, Hamdi Burak Beşer və Yılmaz Burak Bozkurt yer alır.