Tərtərdə 43 yaşlı kişi minaya düşdü

Tərtərdə 43 yaşlı kişi minaya düşüb.

Daxili İşlər Nazirliyindən bildirilib ki, hadisə rayonun Borsunlu kəndində qeydə alınıb.

Kənd sakini, 1980-ci il təvəllüdlü Elnur Əsgərov kənd ərazisində boş ərazidə minaya düşüb. O, xəsarət alaraq xəstəxanaya yerləşdirilib.

Araşdırma aparılır.

Azərbaycan Respublikasının Minatəmizləmə Agentliyinin (ANAMA) Tərtər rayonunda mina hadisəsi barədə məlumat yayıb.

ANAMA-nın Mətbuat xidmətindən Avtosfer.az-a verilən məlumata görə, aprelin 18-də Tərtər rayonunun Borsunlu kəndi ərazisində keçmiş təmas xəttinə yaxın, minalardan təmizlənməmiş ərazidə mina hadisəsi baş verib.

Partlayış nəticəsində 1980-ci il təvəllüdlü Əsgərov Elnur Asif oğlu xəsarət alıb. Xəsarət alan şəxs Tərtər rayon xəstəxanasına yerləşdirilib.