Türkiyədə dəhşətli qətl olub.

Hadisə İstanbul şəhərində Ataşehir adlanan ərazidə qeydə alınıb. Burada xilasedicilər dördmərtəbəli binanın birinci mərtəbəsindəki mənzildə döşəmənin altından Leyla Seyidovanın yanmış meyitini tapıblar. Daha sonra divanın yanında balta və bıçaq da aşkarlanıb. Hadisə yerinə gələn polis və prokurorluq əməkdaşları qadının bədənində kəsilmiş-deşilmiş xəsarətlər aşkar ediblər.

Həmçinin yanğından əvvəl əcnəbi vətəndaşın evdən çıxdığı müəyyən edilib. Faktla əlaqədar Leyla Seyidova ilə bir yerdə yaşayan Gülçöhrə Qadirova və Feruz Yaxşıquliyev saxlanılıb. Onlardan başqa Erkin Söhbətov da şübhəli qismində saxlanılaraq, istintaqa təhvil verilib.

(lent.az)