Valideynlərini öldürdü, sonra isə maşını yandırıb intihar etdi - FOTO

Ötən gün odlu silahdan açılmış atəş nəticəsində ölən üç nəfərin meyiti yanmış avtomobildən tapılıb. Avtosfer.az “47news” portalına istinadən xəbər verir ki, hadisə Rusiyanın Leninqrad əyalətində baş verib.

Bu dəhşətli mənzərəyə yanğını söndürməyə gələn xilasedicilər şahid olublar.

Onlar yanğını söndürdükdən sonra avtomobilin salonundan 70 yaşlı kişinin, onun 66 yaşlı həyat yoldaşının və 46 yaşlı oğlunun yanmış meyitini aşkarlayıblar.

Potralın məlumatına görə, qətliamı ailənin gənc üzvü qazıntı zamanı tapdığı silahla törədib.

O, ilk öncə valideyinlərini qətlə yetirib, sonra isə avtomobili yandıraraq inthar edib.

Onu belə bir addım atmağa nəyin vadar etdiyi isə hələlik məlum deyil.

Qeyd olunur ki, hadisə günü ailə icazəsiz ev tikdiyi üçün məhkəmə icraçıları onları zəbt edilmiş ərazidən çıxarmağa gəlməli imişlər.

Faktla bağlı cinayət işi açılıb, araşdırma aparılır.

Namiq Musayev