Xaçmazda iki qonşu evdə yanğın olub, biri tamamilə yanıb

Xaçmaz rayonunda iki qonşu evdə yanğın olub.

Hadisə rayonun Həsənqala kəndində qeydə alınıb.

Belə ki, kənd sakini İmran Hacıyevə məxsus 3 otaqlı birmərtəbəli fərdi yaşayış ev əşyaları ilə birlikdə tamamilə yanıb.

Yanğın qonşuluqdakı Valeh Məmmədova məxsus 3 otaqlı fərdi yaşayış evinə də keçib. Nəticədə evin 6 kvadratmetr sahəsi yanıb.

Hadisə yerində FHN-nin Xaçmaz Dövlət Yanğından Mühafizə Hissəsinin 2 yanğınsöndürən avtomobili və canlı qüvvəsi cəlb olunub.

Hadisənin baş vermə səbəbləri araşdırılır.