Yük maşınının qurbanına çevrilən velosipedçinin həzin sonu - ANBAAN VİDEO

Yolu bölüşə bilməyən nəqliyyat vasitələri bir-birinə dəyərək qəza yaratdı.
Avtosfer.az xəbər verir ki, sosial şəbəkələrdə müzakirə obyektinə çevrilən qəza Kazan yolu istiqamətində baş verib. Avtomobilin videoregistratorunda əks olunan görüntüdən bəlli olduğu kimi yol boyunca hərəkət edən velosiped arxadan gələn yük maşınının ona dəyməsi ilə sıradan çıxıb. Yüngül xəsarətlə qurtulmağı bacaran sürücü isə özünü dərhal yolun kənarına ataraq canını qurtarmağa çalışıb. Ayaqlarından zədələnən sürücü xəstəxanaya yerləşdirilib. 
Faktla bağlı araşdırma zamanı yük maşınının sürücüsü velosipedi görmədiyini və yaranan qəzadan bixəbər olduğunu qeyd edib. 
Qeyd edək ki, sosial mediada fikir ayrılığına səbəb olan qəzada bir qrup velosiped sürücüsünün yanlış olduğunu bildirsə də, digər tərəf yük avtomobilinin sahibini qınayıb.

Nərmin Əkbər