Zəlzələ dağıntılarında oğurluq edənləri "Bayraktar" görüntülədi

Türkiyənin Qaziantep vilayətinin İslahiye rayonunda zəlzələ dağıntıları altından oğurluq edən şübhəlilər müəyyən ediliblər.

Bu barədə “Ensonhaber” məlumat yayıb.

Polisin bölgədə kəşfiyyat və müşahidə fəaliyyəti üçün istifadə etdiyi “Bayraktar TB2” tipli pilotsuz uçuş aparatı iki nəfərin şübhəli şəkildə qalıqlarda axtarış apardığını müəyyən edib.

Dağıntılar üzərində gəzən şübhəlilərin topladıqları materialların bir hissəsini ağ rəngli avtomobilə qoyduqları müəyyən edilib.

PUA tərəfindən təqib edilən şübhəlilər aidiyyatı birliklərə məlumat verildikdən sonra polislər tərəfindən yerində saxlanılıb.(lent.az)