14 ildir istehsal edilmir, amma populyarlığını qoruyur

Martda Rusiyada 475 021 ədəd işlənmiş avtomobil satılıb. Bu da yalıq müqayisədə 15 faiz çoxdur.

Avtosfer.az xəbər verir ki, məlumatı Avtostat yayıb. Federasiyada işlənmiş avtomobillər arasında ən populyarı VAZ-2107, “Kia Rio” və “Hyundai Solaris” olub. 

Hesabat dövründə 111 874 ədəd Lada avtomobili satılıb. Onlardan 9 368 ədədi 2107 modeli olub. 2026-cı ilin ilk rübündə isə ümumilikdə 25 428 ədəd VAZ-2107 satılıb.

Qeyd edək ki, 1982-2012-ci illərdə Rusiyada 3 milyondan çox VAZ-2107 istehsal edilib. Son statistikaya görə Rusiyada bu modeldən 1,2 milyon avtomobil istismar edilir. Avtomobilin istehsalı Rusiyada 2012-ci ilin aprelində, Misirdə isə 2014-cü ildə dayandırılıb. 

İstehsalın dayandırılmasından 14 il ötsə də, bu avtomobil Rusiyada və digər MDB ölkələrində populyarlığını qoruyur.

Vüqar