Bu ölkədə uşaqların yanında siqaret çəkmək qadağan edildi

Fransa hökuməti iyulun 1-dən yeni qadağanın qüvvəyə minəcəyini bildirib. 

Avtosfer.az xəbər verir ki, qaydaya görə iyulun 1-dən etibarən, açıq məkanlarda olsa belə, uşaqların gözü qarşısında siqaret çəkmək qadağan edilir. Qayda pozanlar 135 avro cərimə ediləcək.

Artıq bundan sonra çimərlik, parklar, avtobus dayanacaqları və idman obyektlərində siqaret çəkmək qanunsuz sayılacaq.

Bundan başqa, bağça, kollec, lisey və digər tədris müəssisələrinin qarşısında siqaret çəkmək üçün ayrılmış yerlər ləğv ediləcək. Qanun müəllifləri iddia edirlər ki, “uşaqların təmiz hava hüququ başlayan yerdə, siqaret çəkmək hüququ qüvvədən düşür”.

Qadağa elektron siqaretlərə də şamil olunur.

Vüqar