Gəncə, Şəki, Göygöl... Bu şəhərlərin əvvəlki adları belə olub

Azərbaycanda hansı şəhər və rayonların adları dəyişdirilib? – Maraqlı siyahı

Azərbaycanda müxtəlif dövrlərdə bir sıra rayon və şəhərlərin adları dəyişdirilib.

Avtosfer.az xəbər verir ki, sosial şəbəkələrdə yayılan məlumatda adı dəyişdirilmiş yaşayış məntəqələrinin indiki və əvvəlki adları əks olunub.

Məlumata görə, Beyləqanın əvvəlki adı Jdanov, Cəlilabadın Astarxanbazar, Göygölün isə Xanlar olub. Qəbələ əvvəllər Qutqaşen, Biləsuvar Puşkin, Şəki isə Nuxa adlandırılıb.

Həmçinin İmişlinin Qaradonlu olub. Gəncə müxtəlif illərdə Kirovabad və Yelizavetpol, Şirvan isə Zubovka və Əli-Bayramlı adları ilə tanınıb.

Belə ad dəyişiklikləri Azərbaycanın müxtəlif tarixi dövrlərində baş verib və bir sıra şəhər və rayonların tarixi adları sonradan bərpa olunub.

Eltac Zülfüqaroğlu