On iki dəfə hökm oxunan futbolçu həbs olunmayıb

Rusiyada bir neçə həvəskar komandada çıxış etmiş keçmiş futbolçusu Maksim Yamalatdinov 2025-ci ildə 12-ci məhkəmə hökmünü alıb. Avtosfer.az Oxu.az-a istinadən xəbər verir ki, idmançı növbəti dəfə dələduzluq və mənimsəmə işində təqsirli bilinib. Lakin o, azadlıqda qala bilib. Kaçkanar şəhər məhkəməsi ona 4 il 1 ay məcburi işlər və əmək haqqının 10%-nin dövlətin xeyrinə tutulması cəzası təyin edib. Yamalatdinov 2022-ci ildən bəri cinayətlər törədib, bahalı əşyaları icarəyə götürərək, sonradan onları girov qoyub və icarədarların pullarını qaytarmayıb. Məhkəmələr dəfələrlə Yamalatdinovun işində yüngülləşdirici halları - həyat yoldaşı və kiçik oğlunu, valideynlərinə kömək etməsini və xeyriyyəçiliyini nəzərə alıb.