Uçan naməlum obyektlərlə bağlı məxfi sənədlər ictimailəşdirilir

Pentaqon uçan naməlum obyektlərlə (UNO) bağlı məxfi saxlanılan faylları dərc etməyə başlayıb. 

Avtosfer.az xəbər verir ki, ABŞ Müharibə Nazirliyinin saytında müvafiq bölmə yaradılıb.

Nazirliyin arxivindən, eləcə də Federal Təhqiqatlar Bürosu, NASA və Dövlət Departamentinin məlumatlar bazasından götürülmüş 160-dan çox fayl yerləşdirilib.

Onların arasında fotolar, PDF formatında sənədlər, eləcə də video görüntülər var. 

İlk açıqlanan materiallarda ABŞ hərbçilərinin qeydləri, Aya göndərilmiş missiya ilə bağlı hesabatlar, UNO gördüyünü iddia edən şəxslərin açıqlamaları yer alıb. Nazirlik bu cür məlumatları müntəzəm olaraq dərc etməyi planlaşdırır. 

Pentaqon arxivin yaradılmasını şəffaflığın təmin olunması baxımından tarixi təşəbbüs adlandırıb.

Vüqar Yaşaroğlu