3 ildir göstəriş verilib, lakin ağaclar budanmır: Nazirliyin diqqətinə! - FOTO

Paytaxtın Nizami rayonu Əlif Hacıyev küçəsi ilə Məmməd Səid Ordubadi küçəsinin kəsişməsində olan ağaclar hərəkət iştirakçılarına təhlükə yaradır. Həmin ərazidə yaşayan sakinlər Avtosfer.az-a öz şikayətlərini bildirərək qeyd ediblər ki, aşma təhlükəsi və budanmaya ehtiyacı olan ağaclar barədə Ekologiya və Təbii Sərvətlər Nazirliyinin qaynar xəttinə məlumat veriblər. 2015-ci ildə verilən bu məlumata müsbət cavab olaraq ağacların budanması və təmizlənməsi məsələsi Bakı Şəhər İcra Hakimiyyətinin Yaşıllaşdırma Təsərrüfatı Birliyinə tapşırılması qeyd edilib. Lakin o vaxtdan bəri bu tapşırıq kağız üzərində qalıb. Həmin ağaclar oradan keçən iri qabaritli avtomobillərə və səki ilə hərəkət edən piyadalara təhlükə yaradır.

Ümid edirik ki, aidiyyəti qurumlar tez bir zamanda məsələnin həll olunması istiqamətində zəruri addımlar atacaq.

Təbriz