ABŞ Polşaya altı "F-22" qırıcıları göndərib

ABŞ Polşanın Lask şəhərindəki aviabazaya altı ədəd beşinci nəsil "F-22" qırıcı-bombardmançı təyyarə verib.

"Report"un xarici KİV-ə istinadən xəbərinə görə, daha altı "F-22"nin Avropaya göndərilməsi planlaşdırılır.

Məlumatlara görə, onlar Yunanıstanın Krit adasındakı Souda Bay bazasında yerləşdiriləcək.

ABŞ-ın Avropadakı Hərbi Hava Qüvvələri Komandanlığı bəyan edib ki, döyüş təyyarələri Baltikyanıdan Qara dənizə qədər NATO müttəfiqlərinin təhlükəsizliyini təmin edəcək.

Bundan əlavə, hələ fevral ayında ABŞ NATO-nun kollektiv müdafiəsini gücləndirmək üçün Polşaya "F-15 Eagles" qırıcılarından ibarət bir qrup göndərib