Abşeronda iki qardaş qaçırdıqları maşında TUTULDU

Abşeronda nəqliyyat vasitəsi qaçırılıb. 

DİN-dən Avtosfer.az-a verilən məlumata görə, noyabrın 13-də saat 15 radələrində Abşeron rayonunun Mehdiabad qəsəbəsi ərazisindən “VAZ-21011” markalı avtomobilin qaçırılması barədə polisə məlumat daxil olub. 

Polis əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən Bakı şəhər sakini Aydın Hüseynov və qardaşı Xanlar Nərimanov rayonu ərazisində avtomobillə saxlanılıblar. 

Abşeron Rayon Polis İdarəsində araşdırma aparılır.