Abşeronda piyadanı vurub qaçan sürücü tutuldu

Baş Dövlət Yol Polisi İdarəsi əməkdaşlarının keçirdikləri əməliyyat tədbirləri nəticəsində iyulun 14-də Abşeron rayonu ərazisində Babək rayon sakini M.Quliyevin xəsarət alması ilə nəticələnən yol qəzasını törədərək hadisə yerindən yayınan sürücü saxlanılıb.

Bu barədə Daxili İşlər Nazirliyindən (DİN) Avtosfer.az-a verilən məlumatda bildirilib.

Araşdırma nəticəsində hadisəni “VAZ-2107” markalı avtomobilin sürücüsü, Hökməli qəsəbə sakini N.Vəliyevin törətdiyi müəyyənləşib.

Hadisədə təqsirləndirilən şəxs saxlanılıb.

Hazırda faktla bağlı araşdırma aparılır.