ADY: Ötən il Abşeron dairəvi marşrutu üzrə NFC ödənişlərinin sayı 90 % artıb

2024-cü ildə “Azərbaycan Dəmir Yolları” QSC-nin (ADY) Abşeron dairəvi marşrutu üzrə vağzal və stansiyalarda NFC sistemini dəstəkləyən mobil cihazlarla ödənişlərin aylıq orta istifadə sayı 210 060 dəfə olub.

Avtosfer.az xəbər verir ki, bunu “Azərbaycan Dəmir Yolları” QSC (ADY) yayıb.

Məlumata görə, bu, 2023-cü ilin göstəriciləri ilə müqayisədə 89,8 % çoxdur.

Xatırladaq ki, NFC ödənişləri üzrə 2021-ci il üzrə aylıq orta istifadə sayı 6 000, 2022-ci il üzrə 49 726, 2023-cü il üzrə 110 670 dəfə olub. Təmassız ödənişlər "ADY Mobile" tətbiqi, ADY kartları və ya NFC-ni dəstəkləyən mobil cihazlarla həyata keçirilir.

Həmçinin bildirilir ki, “ADY 2024-cü ildə bu marşrut xətti üzrə loyallıq proqramını tətbiq edərək sərnişinlərə yeni imkanlar yaradıb. Artıq “ADY Mobile” tətbiqinin yüklənmə sayı 180 mini ötüb.