Ağadadaş Ağayevin balta atdığı mühafizəçi hakim qarşısına çıxarılır

Xalq artisti Ağadadaş Ağayevin balta atdığı "MedEra" Hospitalın mühafizəçisi Nurəddin Cəlilovun da barəsində cinayət işi üzrə ibtidai istintaqı başa çatıb.

Avtosfer.az "Report"a istinadən xəbər verir ki, cinayət işi materialları Binəqədi Rayon Məhkəməsinə göndərilib və hakim Elçin Ağayevin icraatına verilib.

Məhkəmənin hazırlıq iclası dekabrın 16-a təyin edilib.

Qeyd edək ki, N.Cəlilova Cinayət Məcəlləsinin 221.3-cü (xuliqanlıq-silah qismində istifadə olunan əşyalardan istifadə etməklə törədildikdə) maddəsi ilə ittiham verilib.

Cinayət işi üzrə Ağadadaş Ağayev zərərçəkmiş qismində tanınıb.

Hadisə zamanı Ağadadaş Ağayev N.Cəlilova balta ilə, mühafizəçi isə Xalq artistinə qaz açarı ilə hücum edib.

Xatırladaq ki, bu hadisə ilə bağlı Ağadadaş Ağayev barəsindədə cinayət işi var. Onun cinayət işi ayrıca icraatda hazırda Binəqədi Rayon Məhkəməsində baxılır.