Ağdaş şəhər stadionu təmirə bağlanır

Ağdaş şəhər stadionunda təmir işlərinə yaxın günlərdə start veriləcək.

Avtosfer.az İdmanxeber.az-a istinadən xəbər verir ki, II liqada çıxış edən "Ağdaş" klubu ev oyunlarını bu arenada keçirir. Stadion baxımsız durumda olduğundan arenanın təmirə bağlanma ehtimalı var.

Ağdaş Rayon İcra Hakimiyyətinin başçısı Orxan Hüseynzadə ötən günlərdə stadiona baş çəkib, ümumi durumla tanış olub. Daha sonra isə şəhər başçısı stadiondakı problemlərin aradan qaldırılması ilə bağlı öz göstərişlərini verib.

Arenada futbolçular üçün paltardəyişmə, konfrans, tibb, hakimlər, texniki heyət üçün otaqların yenidən təmir olunması planın əsas hissəsidir.

Qeyd edək ki, stadion Elm və Təhsil Nazirliyinin balansındadır.