"Allah hər qadının qapısını açmasın" - Kəmalə Ağazadə dustaqlardan DANIŞDI

 “Dustaq həyatı sürən qadınların hamısı azadlığa çıxmamalıdır”.

Avtosfer.az xəbər verir ki, bunu Azərbaycan Uşaqlar Birliyinin sədri Kəmalə Ağazadə həbsxanada olan qadınlardan danışarkən deyib.

İllərdi istər qadın, istərsə də kişi həbsxanasına getdiyini deyən K.Ağazadə bildirib ki, orada qorxunc divarlar, qorxunc talelər var: “Elə cinayətlər var ki, o adamın hansı maddədən orada olduğunu biləndə yanında dayanmaq istəmirsən. Mən uşaqların ora gedib həmin şəxslərlə davamlı ünsiyyətinə qarşıyam. Anası ilə bağlılığını kəsmək fikrim yoxdur".

K.Ağazadə əlavə edib ki, məhkum həyatı yaşayan qadınların güclü olması üçün dövlət dəstəyi əhəmiyyətli rol oynayır.

"Qadınlar həbsxanadan çıxacağı zaman dövlət tərəfindən inteqrasiyası üçün peşə təhsili, işlə təmin olunması, əmək terapiyası ilə bərabər o peşəni öyrənib, gedib azadlıqda qazanc əldə edə bilər. Həbsxanada qadınlar işləyir. Qazandıqlarını da öz ehtiyaclarına verirlər. Eləsi olur ki, həbsxana yeməyi yemir, onun üçün evdən qida məhsulları gəlir",-deyə Kəmalə Ağazadə qeyd edib.

Bakıvaxtı.az