Aviasiya nəqliyyatı mənfəətlə işləyir

Aviasiya nəqliyyatı heç vaxt Kovid-19-un fəsadlarını aradan qaldırmağa indiki qədər yaxın olmayıb. Oktyabr ayında daşımaların səviyyəsi 2019-cu ildəkinin 98,4%-i həddinə çatıb. 

Avtosfer.az xəbər verir ki, bu statistika Beynəlxalq Hava Nəqliyyatı Assosiasiyasının (İATA) oktyabr ayı ilə bağlı hesabatında əks olunub.
Assosiasiyanın məlumatına görə hər kilometrə daşınan sərnişin sayı pandemiyadan əvvəlki dövrə çox yaxın olub. Bu özünü  104,8%-lə daxili uçuşlarda daha çox göstərib.
Ən ciddi artım Çində pandemiya ilə bağlı məhdudiyyətlər aradan qaldırıldıqdan sonra qeydə alınıb. Bu ölkədə 2022-ci ilin oktyabrı ilə müqayisədə aviasiya nəqliyyatında artım tempi üçrəqəmli olub. 
Lakin dünya üzrə beynəlxalq uçuşlarda artım bir qədər ləng baş verib. Bunun da səbəbi Asiya regionunun əsas turizm destinasiyalarında məhdudiyyətlərin gec aradan qaldırılmasıdır. Bununla belə hesabat dövründə 2019-cu ilin oktyabr ayındakı nəticəinin 94,4%-nə şatmaq mümkün olub.
Sərnişin statistikası da aviadaşımaların səviyyəsinin pandemiyadan əvvəlki vəziyyətə yaxın olduğunu göstərir. Əgər 2019-cu ilin oktyabrında təyyarə ilə 4,5 milyard nəfər daşınmışdısa, cari ilin oktyabnrında göstərici 4,3 milyard olub. 
Mənfəətə gəlincə, 2020-2022-ci ildə 183 milyard dollar ziyanla üzləşən aviaşirkətlər bu il 10 milyard dollara yaxın mənfəət əldə edib.

Vüqar