Avstraliya sualtı qayıqlar üçün nüvə reaktorlarının istehsalına 3 milyard dollardan çox pul ayıracaq

Avstraliya AUKUS tərəfdaşlığının (Avstraliya, Böyük Britaniya və ABŞ arasında üçtərəfli hərbi ittifaq) bir hissəsi kimi sualtı qayıqlar üçün nüvə reaktorlarının inşası məqsədilə Böyük Britaniyaya 3 milyard dollardan çox maliyyə vəsaiti köçürəcək.

“Report” TASS-a istinadən xəbər verir ki, bu barədə Avstraliyanın müdafiə naziri Riçard Marlz məlumat verib.

“Biz əvvəllər Böyük Britaniya və ABŞ sənayesinə sərmayə qoymaq niyyətində olduğumuzu elan etmişdik. Daha sonra nüvə sualtı qayıqlarının inşası üçün milli hərbi sənaye kompleksinin inkişafına təxminən 19,6 milyard dollar maliyyə vəsaiti ayıracağıq”, - o vurğulayıb.