Ayıq sürücü şirkəti müştəriləri belə aldadır: Fakt

Bakıda fəalliyyət göstərən taksi şirkətlərinin fəaliyyətində olan qüsurlarla demək olar hər gün hamımız rastlaşırıq.Bu şirkətlər haqqında etirazlarımızı bildirsək də xidmətin yüksək səviyyədə olması üçün heç bir nəticə əldə etmirik. Xidmət sahəsində olan boşluqlar təkcə taksi şirkətləriylə bitmir. * 5959 "kimi fəaliyyət göstərən ayıq sürücü xidməti isə sürücülərə əsl "xidmət" göstərir.

Bir neçə saat öncə Bakıxanov qəsəbəsindən C.Məmmədquluzadə 193 ünvanına getmək üçün haqqında danışdığımız, *5959 şirkətə zəng etdik. Şirkətin operatoru Bakıxanov qəsəbəsindən C.Məmmədquluzadə 193 ünvanına ayıq sürücü xidməti üçün qiymətin 6.59 azn olduğunu söylədi.

Zəngimizə cavab verən operator xanıma etiraz olaraq bildirdik ki, bütün reklamlarınızda şəhərdaxili qiymətləri 4.59 azn göstərirsiniz.Müştəri zəng edib sifariş verəndə isə qiymətlər dəyişir.Niyə,hansı səbəbə? 

Operator xanım da sualımızı cavablandıraraq qeyd etdi ki, Bakıxanov qəsəbəsi şəhərdaxili deyil. Bəs Sabunçu rayonu nə zamandan şəhər kənarı sayılıb?

Burada maraqlı bir sual yaranır. Əgər Bakıxanov qəsəbəsi eləcə də digər qəsəbə və kəndlərə təyin olunan gedişlərin qiyməti şirkətin yaydığı qiymətə (4.59 azn ) uyğun deyilsə bu halda şirkət niyə reklamlarında bunları qeyd etmir? 

*5959 şirkətinin paylaşdığı reklam xarakterli bütün şəkillərdə qiymətlər şəhərdaxili 4.59 azn göstərilir.

Analoq.az