AZAL: "Zəlzələ uçuşların müntəzəmliyinə təsir etməyib"

"Azərbaycan Hava Yolları" QSC (AZAL) Bakı yaxınlığında baş vermiş zəlzələyə baxmayaraq, uçuşları cədvələ uyğun həyata keçirməyə davam edir.

Avtosfer.az bu barədə AZAL-a istinadən xəbər verir.

Bildirilib ki, bütün uçuşlar sərnişinlərin rahatlığını və təhlükəsizliyini təmin etməklə ştat rejimdə yerinə yetirilir.

Qeyd edək ki, Azərbaycanda baş vermiş 5,6 bal gücündə zəlzələnin ocağı Xəzər dənizində, 68 km dərinlikdə qeydə alınıb.