“Azərbaycana gələn turistlərin 55%-i islam ölkələrinin payına düşür”

“Prezident İlham Əliyev və Birinci vitse-prezident Mehriban Əliyeva turizmin inkişafı üçün çox işlər görüb”.

Bunu İslam Əməkdaşlıq Təşkilatına üzv ölkələrin turizm nazirlərinin 11-ci sessiyasında çıxış edən Dövlət Turizm Agentliyinin sədri Fuad Nağıyev deyib.

Onun sözlərinə görə, Azərbaycana gələn turistlərin 55%-i islam ölkələrinin payına düşür. Bunula belə, koronavirus (COVID-19) pandemiyası bütün ölkələrdə olduğu kimi, Azərbaycanda da turizmə mənfi təsir edib.

“Pandemiyadan sonra ölkəyə gələn turistlərin sayı artmaqda davam edir. Təkcə bu ilin ilk 5 ayında ötən illə müqayisədə turisltərin sayı 118% artıb. Biz istəyirik ki, Azərbaycan ən yaxşı turist destinasiyalardan birinə çevirək. İşğal dövründə Ermənistan Azərbaycan torpaqlarını dağıntıya məruz qoyub. Amma sabah siz Şuşaya səfər edəcəksiniz və görəcəksiniz ki, burada necə quruculuq işləri gedir”, - o əlavə edib.