Bu ilin yanvar-may ayları ərzində Azərbaycanda hava nəqliyyatı ilə 239 min və ya 45,9% az sərnişin daşınıb.

Dövlət Statistika Komitəsindən Avtosfer.az-a verilən məlumata görə, daşımaların 99,2%-i dövlət, 0,8%-i isə özəl müəssisələrə məxsus nəqliyyat vasitələri ilə həyata keçirilib. Bu nəqliyyat növü ilə yükdaşıma 28,8% artaraq 182,5 min ton olub. Təkcə may ayında isə hava nəqliyyatı ilə 63 min sərnişin daşınıb ki, bu da aprellə müqayisədə 17,3% çoxdur.